Ezagutu euskal pirinioak!

Burgin hasi eta Izaban amaituko dugu oinezko ibilbide hau. Euskal Pirinioak eta bertako herrixkak ezagutuko ditugu. Burgin, egurrak eta almadiek herriarentzat zenbateko garrantzia izan duten azalduko digute bertako museoan. Horrez gain, ibaiaren ertzetan garai bateko lanbideei lotutako ibilbide bat egingo dugu. Ezka ibaian gora, orduko espiritua berreskuratzen saiatuko gara Izabara iritsi arte. Izabatik Linzara bidean, Pirinioetako ibilbide famatuenetariko baten zati bat egingo dugu, GR11rena, Ezkaurre mendiaren babesean. Belarbatzeko ur jauziaz gozatzeko aukera izango dugu. Linzako aterpetxean afaldu eta lo egin, eta Belaguara abiatuko gara. Bidean, hiru gailur ezagun hauen itzala sentituko dugu: Petretxema, Hiru Erregeen Mahaia eta Pakiza Linzola. Belaguako aterpetxe berrituan afaldu eta lo egin, eta Izabara abiatuko gara. Bidean, Belaguako Txokoa eta Txamantxoiako lepoa igaroko ditugu. Aukera izango dugu XIX. mendeko inguru hartako emakumeen, Enaren, historia ezagutzeko. Azken egunean, Izabatik 10 km ingurura autoz edo furgonetaz gerturatu, eta 6 km inguru egingo ditugu oinez, Juan Pitoren Benta eta Arrakoko ur jauzia tartean direla. TALDEA: 7-14 lagun, bi gidarirekin (bidaia egiteko, gutxienez 7 lagunek eman beharko dute izena).